GAGURITAN
LALINTIH
SIRA
ARYA GAJAH PARA
KASURAT
OLIH
IR. PUTU JANUAR ARDHANA
PRETISENTANA SIRA ARYA
GAJAH PARA
BANJAR
BANDA
DESA
TAKMUNG KLUNGKUNG
2006
D A G I N
G C A K E P A N
PESALIN KACA
JUDUL
DAGING CAKEPAN
PEMAHBAH KALIH PANGAKSAMA
I. Pupuh Sinom (12 Pada) …………………………. 1
II. Pupuh Durma (26 Pada) ………………………….
3
III. Pupuh Ginada Basur (16
Pada) …………………………. 6
IV. Pupuh Pangkur (10 Pada) …………….……………. 7
V. Pupuh Sinom (16 Pada) ………………………….
9
VI. Pupuh Durma (17 Pada) …………………………. 11
VII. Pupuh Ginada (14 Pada) …………………………. 13
VIII. Pupuh Semarandana (10
Pada) …………………………. 14
IX. Pupuh Dangdang Gendis (5
Pada) …...…………………….. 15
X. Pupuh Ginanti (23 Pada) …………………………. 16
XI. Pupuh Sinom (11 Pada) …………………………. 18
XII. Pupuh Durma (23 Pada) …………………………. 20
XIII. Pupuh Pucung (16 Pada) …………………………. 22
XIV. Pupuh Ginada (8 Pada) …………………………. 24
XV. Pupuh Sinom (14 Pada) ……………….………… 24
XVI. Pupuh Sinom (19 Pada) ………………….………. 26
XVII. Pupuh Ginada (21 Pada) …………………………. 29
XVIII. Pupuh Durma (11 Pada) …………………………. 31
PAMAHBAH KALIH PANGAKSAMA
Om, Swastyastu
Mejalaran saking manah subakti ring Bhatara Lelangit, titiang pinaka
pretisentana Sira Arya Gajah Para, gumanti ngaturang ayah mangdene saluwiring
pretisentana uning ring kewibuhan Bhatara Lelangit duking nguni.
Kadudut antuk manah punika, raris titiang mautsaha sakasidan nyurat
gaguritan Lalintihan Sira Arya Gajah Para. Majeng ring ida dane sane sampun
waged ring indik-indik sastra, tiang mamitang geng rene sinampura, seantukan
geguritane punika kantun doh saking becik napimalih sane mewasta lengut. Kawiaktiannya titiang nyurat geguritane
punika mangda kewentenan Bhatara
Lelangit Sira Arya Gajah Para presida kauningin sekancan pretisentana, utaman
ipun olih para Yowana Sentana Sira Arya Gajah Para,
seantukan geguritan puniki ngangge bahasa bali
Sewos punika, dumadak daging geguritane puniki presida keanggen piranti
tur keangen titi pengancan lan suluh sajeroning Pretisentana. Majeng ring pengelingsir, titiang taler
mamitang geng rene sinampura, majeng ketunalangkungan daging geguritane puniki
Mogi-Mogi wenten pikeneh amatra jaga ngicen kahuripan mangde benjang
pungkur gurit puniki presida ngemecikang malih
Ring galaha sane becik punika titiang ngaturang pengaksama apang banget
majeng ring :
1. Ida Pedanda Gede Mas Diatmika, pinaka Nabe
sane sampun akeh ngicen titiang pemargi
2. Bapak Ketut Wija, sane akeh ngicen napi
punika geguritan
3. Ida Bagus Gede Tarmiana, sane akeh ngicen
buku-buku kekawin
4. A.A. Ayu Ratih Dewi, istri tercinta sane
nyarengin rikala suka wiadin duka
5. Semeton sami sane tan presida titiang surat iriki
Mogi mogi geguritane punika presida ngewetuang sane becik becik sekancan
sentana sane ngewacen.
Matur suksma, Om, Sati Santi Santi, Om…………..
Denpasar,
23 Januari 2006
Anubhagya
Sang Anyurat
Ir.
Putu Januar Ardhana
Pretisentana Gajah Para
G a g u r i t a n L a l i n t i h
Sira Arya Gajah Para
Om SwastyastuI. Pupuh Sinom Dasar
1. Kekawitin
Kapertama
Pengrastitine Tan Sipi
Majeng Ida Hyang Wisesa
Ledang Ugi Ngicen Sisip
Sarwa Bhawa Maka Sami
Salwiring Loktah Lan Dudu
Nunas Iwang Lan Ampura
Mangde Tan Tulah Pamidi
Ngripta Pupuh
Sira Arya Gajah Para
2. Malinggih Ring Siwadwara
Sang Hyang Aji Saraswati
Dumadak Ratu Malingga
Mangdane Presida Malih
Ngicalang Sekancan Dekil
Pari Polah Jadma Dudu
Tuna Pratiaksa Sastra
Aji Purana Niti
Sugra Ratu
Manah Nunas Kanti Bela
3. Pinake
Anggen Panyelag
Mekarya Gurit Lalintih
Ngatur Ayah Ring Kawitan
Antuk Tambet Ngalintangin
Kasilibang Antuk Gending
Kadi Pantun Keni Blabur
Padalingsa Tuna Lintang
Paribasa Bolak Balik
Nenten Manut
Ugering Pasang Aksara
|
1
|
II. Pupuh Sinom Wayah
4. Kala Nyurat
Ngawit Gita
Ukunnyane Julungwangi
Redite Pon Pancawara
Tahun Wilangan Masehi
Tanggal Pelekutus Keni
September Tengaing Dalu
Warsa Duang Tali Lima
Sirep Kumangkang Kumingking
Sami Anut
Bulane Nemu Purnama
5. Sentana Arya
Gajah Para
Kadulur
Manah Subakti
Nirmala Miwah Lascarya
Pretisentana Sareng Sami
Majeng Bhatara Lelangit
Ngelungsur Nunas Pengawruh
Sira Arya Gajah Para
Ampura Damuh Lelangit
Purun Nyujur
Sampunang Menggah Piduka
III. Sinom Silir
6. Wantah Mangaturang Satwa
Mangde Sentana Subhakti
Lanang Wadon Tua Bajang
Paundukan Sida Uning
Wibuh Bhatara Lelangit
Ngawitin Sangkaning Dumun
Ngelar Indik Kapurusan
Patih Mada Ngewangsitin
Jaga Nglurug
Ngrejek Gumi Bali Aga
|
7. Side Ngawetuang
Manah
Pretisentana Mengangobin
Purusa Tengaing Yuda
Kawekas Sida Kaukir
Pretisentana Sinami
Mangde Sida Benjang Pungkur
Nyangsan Teleb Ngatur Yasa
Manah Kahyun Ida Lelangit
Ledang Pungku
Ngungsi Ngruruh Swarga Loka
8. Bali Meagama
Tirta
Ring Leluhur Dahat Bakti
Ngawinang Pretisentana
Nenten Purun Pacang Jalir
Majeng Bhatara Lelangit
Napi Malih Jaga Bengkung
Majeng Sanggah Pemerajan
Kepangguh Hidup Tan Becik
Nora Tandruh
Tutur Ayu Anak Wikan
IV. Sinom Lawe
9. Sekadi
Bhisama Ketah
Sira Alpaka Ring Kawit
Utawi Sanggah Merajan
Dados Jadma Nenten Becik
Akeh Gagodan Kakeni
Hidup Mangliwang Mangliwung
Mekarya Tan Ngemolihang
Nenten Presida Ngayunin
Makekuwug
Merebat Sedina Dina
|
2
|
10. Unduk
Punika Ngawinang
Nyangsan Akeh Ngemanahin
Ngeruruh Genah Pedarman
Hulu Jati Mula Kasiksik
Tan Uning Genah Lelangit
Pura Panti Tan Karungu
Paibon Meh Keengsapang
Risedek Memargi Nyilib
Bulan Surup
Kekelik Dados Pengantar
V. Sinom Payangan
11. Pretisentana Gajah Para
Suksma Majeng Pengelingsir
Sampun Lampus Uning Tatwa
Leluhur Pada Urati
Stata Mekarya Prasasti
Sentanane Galang Tuhu
Nenten Kapetengan Sastra
Sekadi I Kedis Curik
Kangin Kauh
Ngrereh Genah Mesayuban
12. Kadi Pacang Nguningayang
Kawentenane Sujati
Mangda Sami Manguninga
Linggih Bhatara Lelangit
Tatwa Jeroning Lalintih
Ratu Agung Maha Sadu
Ida Bhatara Kawitan
Antuk Sentana Tan Uning
Sami Rauh
Lwir Prasista Durmanggala
|
VI. Pupuh Durma Manis
13. Duk
Inguni
Wenten Prabu Wicaksana
Tribuana Tungga Dewi
Warna Dahat Ayu Raras
Ring Pengadeg Tanpa Ala
Keabiseka Ratuning
Tedung Jagat
Wilatikta Majapahit
14. Kasinengguh
Wilatikta Purin Ida
Panegara Majapahit
Kekardi Raden Wijaya
Pararya Sami Kagiat
Ngawit Saking Tanah Terik
Sampun Bubar
Kedatuan Singasari
15. Pengabih Dahat
Widagda Mandraguna
Gajah Mada Kapesengin
Memanah Nyikiang Jagat
Sumpah Palapa Kawedar
Tan Ledang Sadurung Polih
Ida Nabdab
Ngraharja Negara Trepti
16. Ngetelang Wacana
Prabu Wilatikta
Bali Mangde Kaperangin
Nyangsan Gelis Nyangsan Melah
Ngatonang Sumpah Palapa
Pekayunan Sampun Gilik
Manyikiang
Jagat Ageng
Majapahit
|
3
|
17. Tri Buwana Tungga Dewi
Mawacana
Uduh Paman Maha Patih
Eling Nira Imaluan
Sang Prabu Kerthanagara
Ida Bhatara Lelangit
Bali Kejajah
Ne Jani Tan Kayun Nangkil
18. Manira Jani Merasa
Jengah Erang
Diastu Peragayan Istri
Istri Luwih Ruruh Gelah
Tan Obah Makta Laksana
Ngemanggehang Tata Titi
Tosning Ksatria
Manyujur Swarga Gumanti
19. Yaning Prasida
Kapuput Dipayudan
Pageh Puguh Anggen Kanti
Yaning Pejah Di Payudan
Sinah Molih Swarga Loka
Yan Di Pasiat Melaib
Kareredang
Kacacad Tur Kakedekin
20. Dimatine Sinah
Ngemolihang Kawah
Kingkara Bala Maniktig
Janten Nemuang Sangsara
Gelar Gelur Engkak Engkak
Di Kawah Sengi Sengi
Malebleban
Tusing Ada Mangitungin
21. Maha Patih Gajah Mada
Matur Banban
Singgih Ratu Maha Dewi
Sampunang Sumanangsaya
Banggeang Titiang Mayudha
Naya Wiweka Anggen Mangkin
Janten Sida
Naya Winaya Sangkaning
|
VII. Durma Wayah
22. Boya Titiang
Puniki Gajah Mada
Sang Hyang Wisnu Ngalugrain
Yan Tan Sida Ngamolihang
Suka Mangemasin Pejah
Dadaha Kalaning Mati
Metoh Jiwa
Kerti Yasa Ngardi Becik
23. Kelangkung Garjita
Kamunggah Ring Manah
Maha Dewi Majapahit
Nah Yening Suba Saja
Ledang Nira Manabdabang
Enggalang Metaki Taki
Nah Dumadak
Bali Presida Manangkil
24. Risampun Puput
Ngaturang Bakti Sembah
Digelis Ngelungsur Pamit
Magebras Lunga Ke Jaba
Ngicen Dawuh Bala Yudha
Mangdane Makta Gagitik
Keris Tumbak
Jalan Magebug Ke Bali
25. Sinami Panjake
Pada Gegilahan
Sane Katong Turin Sakti
Gajah Mada Mangandika
Antosang Malu Manira
Nah Jani Bakal Ke Bali
Nyoba Luas
Bakalan Manureksain
|
4
|
26. Kewala Manira Luwas
Mangeraga
Memargi Jati Manyilib
Dening Prabu Beda Muka
Ratu Wibuh Wicaksana
Lwih Sakti Tan Kadi Kadi
Satria Wirang
Limihat Tan Hana Wani
27. Sri Aji
Tape
Ulung Sang Maha Raja
Duk Punika Ngrajeg Bali
Kasumbung De Triloka
Mandra Guna Kabinawa
Sakti Tan Kadi Kadi
Kebiseka
Prabu Beda Hulu Ugi
28. Patih Nyane
Sakti Sakti Mandra Guna
Maha Patih Pasung Grigis
Wit Saking Gunung Lempuyang
Ngetangang Tengkulak Desa
Dahat Wikan Raja Nithi
Pretisentana
Danghyang Sidhimantra Iki
29. Kebo Iwa
Kabawos Kebo Taruna
Sentana Kyai Karang Buncing
Pengadege Gede Ganggas
Tan Matatu Antuk Sanjata
Pawikan Dados Undagi
Ngambel Jagat
Belah Batuh Desa Trepti
|
VIII. Pupuh Durma Lawe
30. Ki Gudug Basur
Jenek Pinake Demang
Di Bate Anyar Malinggih
Ki Kala Gemet Menyanggra
Temanggung Kabisekayang
Kekalih Sampun Sairing
Minakadi
Sanghyang Candra Sanghyang Rawi
31. Giri
Maya
Mabiseka Ki Ularan
Ring Patemon Malinggih
Den Bukit Panes Bara
Sabeh Sebilang Warsa
Bawos Sugal Mahyun Becik
Kasengguh Paran
Buleleng Sane Mangkin
32. Pranah Kaler
Karang Asem Ring Labuan
Taru Alas Ngulangunin
Sapeneleng Sawah Tegal
Jimbar Asri Nyurambiah
Pasih Gunung Kadi Siki
Di Tenganan
Ki Tunjung Biru Macekin
33. Gunung Batur
Tanah Hulu Bali Dwipa
Pralinggan Ida Bhatari
Presida Nyingak Wewidangan
Bali Kidul Satengah
Nusa Penida Sinami
Dane Ki Buan
Keanggehang Dados Patih
|
5
|
34. Ki
Tambyak
Madeg Mapatih Ring Jimbaran
Soring Kidul Jagat Bali
Segara Teleng Linggah
Alunan Ombak Segara
Sang Iwak Wara Wiri
Putih Slaka
Pretiwine Ring Pesisi
35. Desa Seraya
Magenah Soring Purwa
Maring Karang Asem Kangin
Mresidayang Mengantenang
Bangko Bangko Gili Alas
Panelas Kangin Bali
Patih Ki Kopang
Ngenterang
Gumi Iriki
36. Critayang Mangkin Indik
Ki Kalung Singkal
Para Meseh Takut Ngili
Panjak Prenamia Tur Ngandap
Ngagawokin Kabinawa
Ring Desa Taro Malinggih
Pinaka Rupa
Puser Gumi Jagat Bali
37. Ki Tunjung Tutur
Maring Desa Tianyar
Genah Parwata Toh Langkir
Kadi Mangungkulin Jagat
Priyangan Ida Bhatara
Bhatara Naga Basuki
Ersania
Tanah Utama Kedalih
38. Sikep
Bali
Sakti Sakti Kabinawa
Saktine Tan Kadi Kadi
Sakti Sekadi Dewata
Mawinan Kayuni Ngapak
Panjak Tan Purun Ngeringking
Ring Sang Natha
Napi Malih Mangeringking
|
IX. Pupuh Ginada Dasar
39. Maha Patih Gajah Mada
Bali Age Kacingakin
Kakemit Patih Mandraguna
Perwara Sebilang Bucu
Ring Pascima Ngantos Purwa
Maring
Giri
Rawuh
Pesisi Segara
40. Ritatkala Dina Melah
Prabu Bali Taki Taki
Ngayunin Jaga Melancaran
Melila Citta Ke Batur
Panjak Mangdane Sayaga
Pasung Grigis
Kairingang Saha Wadwa
41. Sampun Rauh
Ring Penelokan
Matur Ki Pasung Grigis
Ratu Bhatara Jungjungan
Jagat Baline Manyungsung
Kocap I Ratu Wisesa
Sida Ugi
Ngewetwang Jiwapremana
42. Indayang
Mangkin Buktiang
Tan Wenten Raos Kone Malih
Mangde Panjake Manyingak
Ampura Patih Dudu
Nglungsur Mangde Ratu Ledang
Managingin
Melila Citta Ke Swarga
43. Pinunasan Patih Wreda
Premangkin Kedagingin
Nguncarang Yoga Lan Mantra
Ngrastiti
Bhatara Guru
Jiwa Premana Wus Medal
Kadi Mangkin
Kantun Cokor Sareng Angga
|
6
|
X. Pupuh Ginada Manis
44. Dahat Sakti Mengangobang
Nanging Sampun Tigang Wengi
Ki Pasung Grigis Sangsaya
Pabrun Nyane Durung Rauh
Panjake Makejang Uyang
Tan
Sinipi
Lewet I Celeng Alasan
45. Pasung Grigis Ngemanahang
Tenggekne Anggon Ngentosin
Ngaud Pedang Tur Mamunggal
Melarapan Mantra Sadu
Mawinan Ida Sang Natha
Sida Maurip
Maprabu
Celeng Alasan
46. Mantuk
Saking Swarga Loka
Angga
Sampun Kacingakin
Nanging Meprabu Bangkal
Ida Dahating Tengkejut
Brangti Pemastu Kawedar
Madak Jani
Jadma Dura Ngambel Jagat
47. Sesampun
Pastu Kawedar
Prabune Ical Premangkin
Ngungsi Genah Sunya Loka
Wantah Atma Sane Rauh
Uger Uger Kamedalang
Nyingak Pretiwi
Sekancan Ring Penangkilan
48. Sira Nulengek Langgana
Janten Tendase Mleketik
Ida Stata Makta Panah
Panah Mawisesa Tuhu
Nenten Naanin Ngelempas
Ngawit Mangkin
Kasinengguh Bedamuka
|
XI. Pupuh Ginada Linggar Petak
49. Inggih Rikala Punika
Bali Marupa Nagari
Ring Jagat Wilatikta
Madeg Agung Ida Prabu
Tribhuana Wisnu Wardana
Maka Pengabih
Kerthawardhana Sakradava
50. Mahapatih
Gajah Mada
Putra Brahmana Yogi
Dados Tedung Jagat Mada
Ring Aji Stata Salunglung
Seantukan Ida Wikan
Dados Jaksi
Irika Ring Majalengka
51. Kaping Ajeng Mresidayang
Ngawonang Semi Lan Kuti
Dados Patih Ring Koripan
Iriki Ida Makuwung
Egar Kaula Koripan
Jagat Trepti
Ledang Kahyun Patih Mada
XII. Pupuh Ginada Eman-Eman
52. Sane Mangkin Minakjingga
Patih Sadeng Kapesengin
Ngudag Adug Ring Blangbangan
Patih Mada Sida Nempur
Janten Gelis Keadegang
Maha Patih
Pengabih Ring Wilatikta
53. Kawedar Sumpah Palapa
Sampun Akeh Yan Sairing
Pajajaran Rawuh Malaya
Kalimantan Tur Maluku
Sane Durung Mangiringang
Inggih Puniki
Jagat Bali Madurgama
|
7
|
54. Patih Mada Jengah Erang
Arya Damar Kanikain
Mangde Rauh Ke Purian
Maosang Wiweka Unduk
Ngetohin Sumpah Palapa
Jagat Bali
Pinih Ungkur Sengke Dahat
XIII. Pupuh Pangkur55. Sang Hyang Surya Sampun Medal Sekadi Uning
Kahyun Satria Sami
Bala Yudha Sregep Tedun
Maha Patih Gajah Mada
Kairingang Para
Arya Saha Wiku
Ebek Wadwa Willatikta
Ring Arep Bencingah Puri
56. Sira
Arya Gajah Para Saha Sira
Arya Getas Ari Tunggil
Tan Kaur Tan Kobar Tan Mundur
Lwir I Gusti Jahewedha
Sira Arya
Kutawaringin Mabarung
Para Wesya Wilatikta
Sinami Tedun Ke Bali
57. Melabuh Ring Teja Kula Tepi Uttara
Segara Jagat Bali
Gajah Mada Maha Sadu
Pamuncuk
Yudha Wilatikta
Maring Bratan
Penepi Ler Watu Karu
Pranah Kangin Sayojana
Gunung Batur Kintamani
|
58. Punang
Yudha Rames Pisan
Magrudugan
Saling Sempal Saling Ungsi
Kala Bheri Kendang Humung
Swaran Keris Miwah Tumbak
Akeh Sikep
Yudha
Bali Kapilayu
Patipurug Tan Tolihan
Kerang Erang Sane Mangkin
59. Kancit Raja Beda Muka
Sampun Brasta
Rikala Tengaing Wengi
Arya
Mewali Rumuhun
Bali Tan Wenten Nabdabang
Panjak Bali Age
Kapupungan Bingung
Kadi Pitik Tanpa Ina
Tanpa Pacek Kagugonin
60. Minab Sampun Kudang Warsa
Sri Kresna Kepakisan
Mangkin
Kasudi
Madeg Agung Tur Kasungsung
Jenek Melinggih Keprabon
Ring Samprangan
Pranah Kangin Bedahulu
Pretisentana Brahmana
Wilatikta Majapahit
61. Kairingang
Watek Arya
Arya Pamuncuk
Arya Kutawaringin
Arya Kanuruhan Tuhu
Arya Kepakisan Wikan
Arya Kenceng
Sampun Kasub Kasumbung
Arya Belog Arya Wangbang
Arya Dalancang Tumuli
|
8
|
62. Sane Mangkin Panjak Bali Dwipa
Wenten Tual
Nenten Kayun Sairing
Manah Kepangguh Tan Satinut
Majeng Sri Kresna Kepakisan
Napi Malih
Panjak Bali Kaler Gunung
Nenten Wenten Nandanang
Sami Pada Ngrubedain
63. Osek
Pikahyun Sang Natha
Para Arya
Sami Sedek Menangkilin
Pada Nguningayang Unduk
Jagat Bali Kantun Tual
Panjak Wenten
Ngusak Asik Pati Kacuh
Ngawi Manah Dadi Erang
Tan Satinut Ring Pemimpin
64. Mangde Sida
Madegdegan
Becik Tangkil
Majeng Prabu Majapahit
Mogi Presida Mangutus
Satria Tos Mautama
Jaga Nabdabang
Ngenterang Gumi Pengkung
Kadi Genah Ring Tianyar
Kasinoman Ngamucukin
|
XIV. Pupuh Sinom Silir
65. Gelis Mangkin Kacarita
Tedung Jagat Majapahit
Ngutus Arya Gajah Para
Arya Getas Menyarengin
Putra Satria Kediri
Dalem Maneneng Kasumbung
Maneneng Mateges Yoga
Katinggalin Antuk Aji
Mobot Kantun
Mayoga
Tengaing Garba
66. Mangkin Arya Maka Rua
Mawecana Ida Mangkin
Tedung Jagat Wilatikta
Maduluran Kenyem Manis
Nira Nitahang Ke Bali
Wireh
Gumi Durung Landuh
Apan
Sane Imaluan
Mresidayang Mangetebin
Ketel Dawuh
Ida
Natha Mawacana
67. Maha Patih Gajah Mada
Mawecana
Manimpalin
Ngandika Teges Pisan
Mangdane Lunga Ke Bali
Digelis Metaki Taki
Arya Gajah Para Manut
Tan Presida Pacang Tual
Arya Getas Tur Sairing
Lwir Salunglung
Pacang
Ngelar Kapurusan
|
9
|
68. Eling Ring Putra Sesana
Totosan Satria Kediri
Embas Wit Wangsa Uttama
Mawinan Gelis
Sairing
Jaga Tual Nenten Becik
Kalaning Nindih Sinuhun
Kadi Bisama Bhatara
Jaya Katong Ring Kediri
Sane Kapungkus
Kapurusan Kesucian
69. Sentana Sebayantaka
Putra Sesana Kainutin
Marep Ring Guru Rupaka
Sentana Stata Keglemekin
Katibakin Tutur Becik
Parilaksana Kagugu
Lwir Trikaya Parisuda
Satunggal Rahina Wengi
Yan Mapituhu
Darmaning Dadi Ksatria
70. Sane Mangkin Kacarita
Bala Yudha Metaki Taki
Sira Arya Gajah Para
Sire Arya Getas Ari
Ngaturang Sembah Tan Lali
Pula Pali Jangkep Sampun
Ngadeg Tur Gelis Memarga
Tan Ngantos Wengi Ring Margi
Genah Katuju
Gagencangan Tan Rerenan
71. Pasih
Linggah Sampun Lintang
Tur Melabuh Di Polaki
Ngojog Switra Mautama
Bendesa
Mas Sawateking
I Gusti Bendesa Polaki
Duang
Peteng Nenten Turu
Bebaose Akeh Pisan
Manah
Kadi Kesekarin
Dahat
Adung
Akeh
Bawos Lan Carita
|
XV. Pupuh Sinom Wayah
72. Benjang Semeng Kantun Samar
Pada Saling Pemaluin
Pemargine Mangencolang
Katah Desa Kalintangin
Grembeng
Dalem Katedunin
Sawah Tegal
Tukad Pangkung
Abing Tegeh Mangelintang
Tur Memargi Beneng Kangin
Sampun
Rawuh
Wates Puri Ring Samprangan
73. Mangkin
Gelis Kacarita
Natar Puri Sampun Panggih
Sampun Prapta Ring Bencingah
Tetamanan Jimbar Asri
Bremara Mangungkulin
Nedeng Kembang Sekar Ungu
Punyan Gadung Nyurambiah
Elag Elog Mewarni Warni
Angin Manempuh
Kadi Sesolahan Rejang
74.
Gelung Kori Mengangobang
Bun I Gadung Mangelilit
Maperengge Karang Boma
Sekarnya Suganda Wangi
Medaging Dwapara Kalih
MInakadi Kala Mertyu
Karang Gowak Magelohan
Maring Natar Wandira
Wit
Adhi Luhung
Anggon Genah Malilacita
|
10
|
XVI. Pupuh Sinom Lawe
75. Pamerajan Kabinawa
Mangungkulin Tegeh Ngalik
Pamedalnya Maring Tawang
Ring Jerowan Gedong Sari
Merahab Duk Dahat Asri
Pranah Kaja Wenten Meru
Natar Resik Warna Abang
Tengah Natar Naga Sari
Mangerimbun
Angob Sekancan Manyingak
76. Wenten Malih
Naga Puspa
Kedapan Nyane Lom Gading
Kadi Daha Metayungan
Ayad Oyod Tempuh Angin
Ambun Nyane Mrik Sumirik
Keampehang Ke Ambubu
Ngawe Paling I Sad Pada
Griang Griung Kaja Kangin
Tanpa Gantul
Katinggal Antuk Gegelan
77. I Kekelik Manyembrama
Tulya Kadi Mapiuning
Majeng Dane Para Arya
Arya Ledang Wawu Prapti
Nyingak Kaluwihan Puri
Kadi Eling Ring Sinuhun
Nanging Gelis Keengsapang
Kedegdegen Gumi Bali
Dados Pamucuk
Sane Patut Kesaratang
78. Nenten Suwe Mesanekan
Ida Nata Prabu Mijil
Ring Pengadeg Jangjang Jamprah
Penyingakan Nyunyur Manis
Wastra Dasar Sutra Putih
Arya Nguntul Saha Matur
Banban Teges Mawibawa
Dulur Ngangge Tata Titi
Samian Kasub
Angob Ring Sapenangkilan
|
79. Pinaka Murdaning Jagat
Manira Jani Nitahin
Mangdane Nyelem Putihang
Nunas Nugraha Ring Widhi
Di Tianyar Madeg Patih
Ring Kaler Gunung Agung
Panjak Sami Manyantosang
Dumadak Sida Ngetangin
Becik Lan Dudu
Manira Manyukserahang
80. Manira Mangkin Mewarah
Di Tianyar Gumi Sripit
Mula Keweh Mangundukang
Tanah Panes Sawidangin
Sinah Suba Pati Uning
Panjak Akeh Durung Manut
Twara Ada Mangitungang
Mangewehin Duk Ing Nguni
Mangda Rahayu
Tianyar Desa Madurgama
XVII. Pupuh Durma
81. Mairingan
Seket Ukud Balayudha
Ke Tianyar Tur Memargi
Ngerajegang Jagat Ika
Pengawit Rikala Warsa
Siu Satak Pitung Dasi
Kaping Telulas
Wara Mrakih Bulan Mati
82. Kacrita
Jagat
Sampun Sebayantaka
Sane Dados Wates Gumi
Ponjok Batu Ring Pascima
Ngantos Kangin Basang Alas
Segara Pelung Kaja Tepi
Wates Daksina
Maring Got Ngantos Iriki
|
11
|
83. Sampun Dados Patih
Kudang Kudang Warsa
Patpat Sampun Putra Nami
Pada Kalih Istri Lanang
I Gusti Ngurah Tianyar
Putra Lanang Kaping Kalih
Ayu Raras
Oka Istri Kapurwani
84. I Gusti Sukangeneb
Paling Nyomanan
Putra Lanang Dahat Bakti
Saking Alit Maprabawa
Ni Gusti Ayu Thirta
Paling Ketut Putra Istri
Warna Nyalang
Jegeg Ayu Ngulangunin
85. Caritayang
I Gusti Ngurah Tianyar
Sampun Lwir Angalap Rabi
Dane Gusti Dyah Wwesukla
Istri Ayu Dahat Raras
Stata Ngulati Subakti
Sadina Dina
Katureksa Katresnain
86. Raine I Gusti Ngurah
Sukangeneb
Taler Sampun Ngambil Rabi
Gusti Dyah Lor Kapuspata
Raras Ayu Tan Kuciwa
Miwah Tan Kirang Subakti
Maka Rua
Sami Pada Mengangobin
|
XVIII. Pupuh Durma Wayah
87. Ring Sukangeneb Malinggih
Kudang Warsa
Rambut Sampun Sami Putih
Yusa Taler Nyangsan Wayah
Sira Arya Gajah Para
Angga Panes Kadi Api
Basang Sudukan
Lambe Sampun Mrasa Pait
88. Cucu Arep
I Gusti Ngurah Tianyar
Di Sweca Pura Sedek Menangkil
Gusti Ngurah Kaler Wantah
Kaketelin Pabesenan
Minab Tan Mekelo Malih
Nunas Amertha
Dini Di Giri Toh Langkir
89. Mangde Melah Melahang
Jani Mirengang
Ngandika Gigis Kisi Kisi
Kakyang Ada Pabesenan
Ring Ngurah Ajak Mekejang
Rikala Sampun Newati
Sampunang Twara
Ngemargiang Nuasta Geni
90. Ditu Pendem Di Gunung Mangun
Ring Puncak
Magebagan Sareng Sami
Panca Gita Tur Gelarang
Mangde Rame Rame Stata
Ngurah Kaler Wantah Nengil
Kahyun Runtag
I Kakyang Jaga Newati
91. Ring Puri Sukangeneb
Mangkin Kacrita
I Gusti Dyah Lor Ngrempini
Wawu Mobot Tigang Bulan
Dane Gusti Dyah Wwesukla
Maputra Nging Kantun Alit
Sane Maparab
I Gusti Wayan
Tianyar
|
12
|
XIX. Pupuh Durma Lawe
92. Tan Suwe Rauh
Gusti Ngurah Tianyar
Majeng Dalem Wusan Tangkil
Maring Puri Swecapura
Panjak Akeh Mangiringang
Cokor Lempor Maka Sami
Muwa Barak
Pemargine Tigang Wengi
93. Gagesonan
Ngurah
Kaler Manyambrama
Nyaritayang Besen Indik
Daging Bawos I Kakiyang
Beli Ngurah Tiang Majar
I Kakyang Newata Nuli
Wenten Bisama
Sadurung Kakyang Mewali
94.
Pinaka Ari Tuna
Pineh Laksana
Nenten Purun Pacang Bani
Ne Mangkin I Ratu Kakyang
Sampun Memargi Newata
Jejeh Keni Upadrawi
Tan Ngelanturang
Indik Pebesen Pemargi
95. Nyawis Teges
I Gusti Ngurah Tianyar
Indik Ento Twara Becik
Tan Manut Tekaning Adat
Melahan Mangkin Plebonang
Bade Tumpang Sia Ngawi
Kadi Panitah
Dalem Watu Renggong Nguni
96.
Tan Manut
Makta Parilaksana Lempas
Sastragama Nirdon Sami
Yan Anggen
Dasar Pemarga
Adat Sane Dija Minab
Napi Gama
Tios Malih
Manah Sangsaya
Mangde Nenten Kakedekin
|
97. Kaslengagan
Mireng Bawos Sapunika
Mesaut Bangras Tur Nengkik
Mireng Indik Kalempasan
Tan Manut Sastra Agama
Yan Pemargi Nenten Becik
Ngeranayang
Manah Kadi Salah Tampi
98. Pidaging
Pretisentana Sinamian
Arya Gajah Para Sami
Sampunan Indik Patungkas
Dane Lelangit Makarua
Nenten Kelantangang Malih
Yaning Sida
Angge Sulur Ring Pemargi
XX. Pupuh Ginada Manis
99. Gusti
Ngurah Tianyar
Duk
Mekarya Pula Pali
Karya Sampun Paripurna
Sampun Manut Ring Paunduk
Lwir
Sastra Agama Tirtha
Patut Kadi
Upakara Nawa Wedana
100. Kapuput
Ida Pedanda
Manut Pemargi Wong Sugih
Napi Malih Angawe Rat
Saha Madruwe Kaweruh
Ngangge Bade Tumpang Sia
Tatatiti
Kadi Titah Ida Sang Natha
101. Gusti
Ngurah Kaler Tual
Tan Kayun Manyarengin
Kahyun Tual Ring I Raka
Nawa Wedana Tan Rungu
Malah Lunga Soring Desa
Nglangganain
Jaga Nyedayang I Raka
|
13
|
XXI. Pupuh Ginada Candrawati
102. Sampun Puput Kaplebonang
Telik Sandi Rauh Tangkil
Ngojog Ring Ngurah Tianyar
Mangencolang Srayang Sruyung
Orti Gelis Keaturang
Matur Piuning
Pacang
Jaga Kesedayang
103. Brangti I Gusti Tianyar
Ketel Wacana Premangkin
Sayaga Peteng Lan Lemah
Mireng Atur Panjak Tulus
Ganti Gumanti Majaga
Makta Keris
Bilang Bucu Ring Bencingah
104. Kali
Nepen Ring Sentana
Sampun Pituduh Hyang Widhi
Lwir Sentana Gajah Para
Medal Wanen Salah Unduk
Raka Rai Kulawarga
Kacingak Jalir
Sane Patut Kapademang
105. Dawuh
Kalih Sang Hyang Surya
Gusti Ngurah Kaler Mijil
Sregep Mangunus Sanjata
Bala Yudhane Pagrudug
Makta Pedang Tur Tamiang
Tombak Keris
Nangtang I Ngurah Tianyar
106. Eh
Beli Ngurah Tianyar
Nenten Purun Teken Beli
Wantah Mangetohin Manah
Kewisesane Lan Adu
Di Muncuk Keris Pusaka
Jeg Premangkin
I Tampak Sirik Ke Anggar
|
XXII. Pupuh Ginada Basur
107. I Gusti Ngurah
Tianyar
Manah Kebus Kadi Api
Penyingakan
Ngabar Abar
Makecos
Keris Keaud
Keris I Baru Pangesan
Manah Brangti
Minakadi Macan Galak
108. Maka Rua Sampun Engsap
Penyingakan Sampun Sripit
Getihe Taler Meluab
Lali Wit
Saking Abungbung
Panjak Masuryak Suryak
Saling Sautin
Kadi Klecan Ngadu Ayam
109. Saling Tebek Saling Sempal
Irika Saling Kecosin
Kadi Banteng Lawan Singa
Maka Kalih Pada Teguh
Lwir Satwa Tantri Nandaka
Ngunus Keris
Kris Pusaka Tetamian
110.
Panjake Bengong Manyingak
Selegenti Saling Tigtig
Kadi Subali Sugriwa
Wenten Sane Cakup Cakup
Wenten Masuryak Suryakan
Wenten Ngicir
Nora Makijap Kijapan
111.
Janten Kelangkung Widagda
Sampun Kasub Rauh Mangkin
Apan Sentana Gajah Para
Saking Kawitan Leluhur
Madasar Satria Wirang
Saking Nguni
Jaya Katong Subageng Rat
|
14
|
112. Sira
Minab Nenten Tatas
Prabu Agung Dangdang Gendis
Sri Jaya Baya Mandraguna
Jaya Katha Pradnyan Tuhu
Wayahan Dalem Maneneng
Ngulangunin
Minakadi Sanghyang Smara
XXIII. Pupuh Semarandana
113. Indik
Rebat Sareng Kalih
Sentana
Sareng Sinamyan
Kulawarga Lan Semeton
Sira Arya Gajah Para
Yan Kawon Ngiring Entungang
Ngiring Ambil Yan Linuhung
Madak Side Ngemolihang
114. Yan Wenten
Pemargi Becik
Ngiring Anggen Pretiwimba
Sekancan Para Sameton
Sira Arya gajah Para
Rikala
Wenten Patungkas
Sire Uning Benjang Pungkur
Becikan Mangde Bawosang
115. Rikalaning
Sandyawengi
Durung Wenten Maprajaya
Nanging Sami Pada Lempor
Kolongan Sampun Bedak
Panyingakan Kunang Kunang
Pemargi Srayang Sruyung
Santukan Bayune Telas
116. Pada Nebek
Ngangge Keris
Saling Gelut Maka Rua
Layon Magelut Menyangkol
Masemeton Wawu Paran
Biyang Aji Siki Wantah
Medasar Getih Abungbung
Medal Saking Garba Nunggal
|
117. Jati Jati
Ngagawokin
I Gusti Ngurah Pegatepan
Utusan
Dalem Kadropon
Mangde Melasang Patungkas
Sane Wenten Ring Tianyar
Lwir Gusti Ngurah Bon Tubuh
Wantah Kasep Maka Rua
118. Wawu
Rauh Maka Kalih
Dane Kalih Sampun Seda
Wantah
Meneng Kadi Togog
I Gusti Ngurah Pegatepan
Kahyun
Remuk Kadi Gedah
Taler
I Gusti Bon Tubuh
Nyingak Layon Pajelempang
119. Utusan
Maka Ke Kalih
Uning Kahyun Tan Presida
Ngemban Titah Sang Prekanggo
Mangde Tan Wenten Patungkas
Irika Ring Desa Tianyar
Patungkas Tanpa Surud
Ngrebut Balung Wantah Tulang
120. Tan Ngantiang Endag Kangin
Utusan Dalem Maka Rua
Ke Puri Gelgel Kadropon
Nguningang Paindikan
Yan Sampun Kudang Rahina
Memargi Ring Margi Agung
Sampun Rauh Ring Bencingah
121. Nunas
Ampura Menangkil
Tan Presida Ngemban Titah
Arya Kalih Sampun Totor
Durung Rauh Maring Genah
Ring Sukangeneb Tianyar
Seantukan
Kasep Rauh
Ratu Dewagung Ampura
|
15
|
122. Samian Nguntul Malinggih
Tanpa Bawos Sapenangkilan
Ida Dalem Wantah Bengong
Kadi Wawu Kaicalan
Patih Bakti Kapiandel
Suwe Mapikayun Kayun
Tan Presida Nandang Lara
XXIV. Dangdang Gendis
123. Critayang Gusti
Biyang Istri
Gusti Dyah Lor
Gusti Dyah Wwesukla
Dahat Sedih Manahnyane
Tan Preside Ngajeng Minum
Katinggal Seda Antuk Rabi
Tangis Tan Sida Rerenan
Toyan Panon Telas Sampun
Kantun Sedih Kati Bara
Penyingakan Barak
Ngeprak Tatan Kadi
Mapikayun Tan Presida
124. Mapikayun Seda Sareng Rabi
I Gusti Dyah Lor Manyiksik Raga
Mawinan
Digelis Menget
Yaning Sede Sinah Ceput
Sedeng Mobot Tigang Sasih
Jaga Tan Wenten Sentana
Sane Sampun Dahat Kasub
Pacang Nyambung Kapurusan
Sampun Ngemolihang
Kawibuhan Yukti
Iriki Ring
Bali Dwipa
|
125. Maka Kalih
Pada Nandang Sedih
Matilar Saking Jagat Tianyar
Mangdane Engsap Genahe
Mawinan Manahe Bingung
Dyah Lor
Sedek Ngrempini
Megingsir Ke Tanggu Wisya
Pemargane Patipurug
Wewidangan Singadwala
Ninggal Arta Brana
Makta Sakit Hati
Sareng Satak Ukud Panjak
126. Gusti Dyah Wwesukla Katibenin
Manah Kasungsutan Kati Bara
Medal Manah Peteng Dedet
Jaga Tangkil Natha Prabu
Sareng Putra Kantun Alit
Bagus Satria Wibawa
Mairingan Panjak Sadu
Tatujone
Sweca Pura
Yadiastun Ngemanahin
Doh Memargi
Manah Kalintang Lascarya
127. Hyang Bhatara
Bhatari Lelangit
Titiang Sentana Gajah Para
Dumadak Mangde Rahajeng
I Ratu Kalih Salunglung
I Gusti Dyah Lor Tan Mari
I Gusti Dyah Wwesukla
Wantah Keagengan Kayun
Mangkin Maring Bali Dwipa
Kantun Sentana
Gajah Para Kepanggih
Ganti Ginanti Kawekas
|
16
|
XV. Pupuh Ginanti
128. Sane
Mangkin Sampun Rauh
Ring Linggarsa Pura Ugi
Mangojog Genah Sang Natha
Irika Ring Natar Puri
Nenten Nyantos Dauh Medal
Pengabih Sampun Uning
129. Ida Sang
Natha Tengkejut
Nyingak Sinambi Nyagjagin
Gusti Biang Dyah Wwesukla
Gelis Matimpuh Premangkin
Mangaturang Sembah Puja
Ampura Titiang Sami
130. Dyah
Wesukla Banban Matur
Maduluran Saha Tangis
Manah Sebet Tanpa Ingan
Kadi Mangkin Purun Tangkil
Ke Lingga Arsana Pura
Makta Bekel Manah Sedih
131. Wesukla
Ida Mesaur
Kalulutan Gelah Uning
Jani Melahang Mirengang
Jele Mela Hidup Mati
Pituduh Hyang Widhi Wasa
Tan Presida Mangelidin
132. Wantah Wayang Jatiniku
Pengwasa Ida Hyang Widhi
Tan Dadi Pisan Nyebetang
Terima
Karmane Jani
Apang Manahe Lascarya
Jalan Pianak Tresnain
|
133. Bukti Gelah Milu Gepu
Gelah Ngicen Sawidangin
Anggon Pengupa Jiwa
Umah Anggo Genah Linggih
Keto Masih Para Panjak
Sabda Dalem Ngalugrain
134. Matur Sembah
Majeng Prabu
Ratu Dalem Dahat Wangi
Ring Siwa Dwara Magenah
Swecan Kadi Ratu Mangkin
Mangda Stata
Ngamolihang
Ngambel Jagat Gumi Bali
135. Nah Jani
Mejalan Kemu
Di Pamuhugan Malinggih
Sareng Panjak Saha Wadwa
Diah Wwesukla Tan Nimpalin
Gelis Ngelungsur Matilar
Manguntul Raris Memargi
136. Dane Dyah Wesukla Sungsut
Ring Linggarsa Pura Puri
Pedanda Sakti Manuaba
Taler Mirengang Paindik
Ipen Ida Kesengguhang
Ke Linggarsa Pura Gelis
137. Ratu
Pedanda Dirghahayu
Tembe Rauh Tanpa Indik
Durusang Mangkin Mapajar
Ida Dalem Manampekin
Nyambrama Ida Pedanda
Bagawantha Dahat Sakti
138. Ampura Ratu Dewagung
Ratu Pranda Manyawisin
Indik Ipun Dyah Wesukkla
Kocap Ring I Ratu Tangkil
Makta Putra Kari Barak
Sapunika Ida Nyawis
|
17
|
139. Bawos Pranda Jati Manut
Panjak Satak Mangiring
Kesarengin Putra Lanang
Warna Bagus Kepesengin
I Gusti Ngurah Wayahan
Saking Tianyar Tumuli
140. Ampura
Tan Uning Sulur
Pedanda Nyawisin Malih
Titiang Purun Langgana
Dumadak Pranda Tan Sisip
Jaga Nunas Pawukudan
Wwesukla
Putra Kapitwi
141.
Ratu Pedanda Sinuhun
Pedanda Kasep Nyimpangin
Diah Wesukla Sampun Lunga
Ke Pamuhugan Manyilib
Gelah Sampun Ngicen Genah
Jimbar Asri Ngulangunin
142.
Nenten Nyantos Margi Dayuh
Mapamit Nerus Memargi
Lunga Ke Pamuhugan
Tan Aswe Sampun Prapti
Mekesiab Dyah Wwesukla
Manyingak Pedanda Sakti
143. Gusti Ayu Istri Agung
Istri Ida Pedanda Sakti
Wantah Mameneng Presida
Mireng Indik Sameton Sami
Sami
Sampun Pada Seda
Nanging Seda Tanpa Arti
144. Pedanda Sakti Mapituhu
Indik Kasep Ngerahuin
Kadi Mangkin Wawu Prapta
Jani Jalan Megingsir
Ke Manuaba Tegalalang
Yadiastun Genah Sepi
|
145. Ampurayang Titiang Ratu
Yadiastun Kadi Mangkin
Boya Tiang Purun Tulak
Napi Malih Nglangganain
Wantah Kimud Ring Sang Natha
Minakadi Ngenistain
146. Wenten Kocap
Indik Tutur
Megatin Tresna Tan Becik
Kasinengguh Bakti Tyaga
Palannyane Pateh Sekadi
Nyedayang Ida Pedanda
Mawinan Takute Ngili
147. Inggih Yaning Benjang Pungkur
Ida Dalem Minab Branti
Jaga Tangkil Ke Manuaba
Tegallalang Napimalih
Tan Wenten Ayojana
Mogi Dalem Nerus Eling
148. Yan Swecan Dalem Tan Surud
Titiang Nerus Subakti
Ngantos Rauh Riwekasan
Mangde Titiang Sangkaning
Sentananing Gajah Para
Tresna Dalem Kapegatin
149. Ledang Manah Ida Wuwus
Mireng Atur Ngulangunin
Nenten Lempas Ring Sesana
Arya Gajah Para Iki
Ring Darmaning Ke Satria
Satria Mahottama Jati
150. Ida
Pedanda Gelis Mantuk
Sinarengan Sareng Rabi
Nyujur Gria Mangencolang
Linggih Ida Mangastuti
Pinakaning Bagawanta
Kasungkemin Saking Riin
|
18
|
XXVI. Pupuh Sinom Silir
151. Dane Dyah
Lor Kacarita
Tanggu Wesya Lwir Mangungsi
Mangkin
Sampun Maputra
Ngurah Kaler Kapesengin
Satria Wirang Totosning
Luh Sasih Rabi Kasinengguh
Kuta Waringin Nanggeh Putra
Ngamedalang Putra Kalih
Bagus Bagus
Kelangen Manah Manyingak
152. Pinih Ajeng Putra Wikan
Uning
Indik Raja Niti
I Gusti Ngurah Kaler
Kaping Kalih Kapesengin
I Gusti Wayan Kaler Lwir
Maka Kakalih Salunglung
Paripolah Lan Laksana
Pariatna Ring Nagari
Stata Manut
Sekancan
Titah Sang Natha
153. Sampun
Jenek Kudang Warsa
Singadwala Wawengkoning
Akeh Ngwentenang Sentana
I Gusti Wayan Getas Lwir
I Gusti Kuda Weya Malih
Maring Singadwala Kantun
Ke Karang Asem Wenten Mwah
Ngurah Kaler Sentananing
Lunga Nyujur
Saking
Desa Tanggu Wisya
|
XXVII. Pupuh Sinom Lawe
154. Gusti
Wayan Kaler Kangkat
Nami Yakerama Nama Rabi
I Gusti Ngurah Gurinda
Putra Lanang Kaparabin
Nyabran Dina Nyangih Taji
Tajen Caceki Karuruh
Ngantos Rauh Ring Kuncara
Ngandap Majeng Mekel Iki
Kasinengguh
I Gusti Ngurah Kuramas
155. I Gusti
Ngurah Gurinda
Wawu
Mangkin Manah Eling
Ngelar
Yoga Tapa Brata
Manados Balian Sakti
Ngicalang Sekancan Desti
Tan Pegatan Mapitulung
Sira Linggih Tan Kacingak
Tan Kayun Ngambil Sesari
Jadma Rauh
Sekancan
Manunas Tamba
156. Kasumbung
Dados Balian
Wenten
Sane Durung Uning
Nenten Purun Nyambat Sara
Rauh Para Mekel Sami
Mawinan
Manados Salit
Yan Becik Sinah Tan Rungu
Makta Pikobet Yan Lempas
Pinih Becik Mangardinin
Maka Pungkus
I Mekel
Batur Gurinda
157. Yan
Makudang Kudang Warsa
Mekel Gurinda Iriki
I Gusti Ngurah Kuramas
Ngicen Anak Ayu Istri
Mangdene
Keanggen Rabi
Ni Luh Jagat Kasinengguh
Putran I Gusti Ngurah Tegal
Sentana Bujangga Luwih
Dauh Baleagung
Kasumbung Bujangga Pradnyan
|
19
|
XXVIII. Pupuh Sinom Wayah
158. I Gusti Ngurah
Tianyar
Sampun
Anom Ida Mangkin
Mewali
Wit Ke Tianyar
Panjak Dahat Ledang Sami
Ida Dalem Mangarsain
Ledang
Manah Tan Jumujug
Akeh Panjake Memapag
Gebogan
Canang Sesari
Pada Mabarung
Ring Ungkur Smarpegulingan
159. I Gusti
Ngurah Bharata
Sira Pretisentanani
Kesah
Ke Pesisi Kaja
Nyuci
Raga Katedunin
Dados Bujangga Malinggih
Siwa Sridanta Kapupul
Nabe Saking Gria Sibetan
Pranda
Kabinawa Sakti
Dirgahayu
Sentananing Gajah Para
160. Sesampun
Mangkin Kadiksa
Ida Nabe Mapungkusing
Gusti Ngurah Bujangga Bhrata
Kala Mapuja Kalugrain
Dados Ngangge Pula Pali
Pedanda Siwa Pamuput
Taler Dados Muputang
Upakara Anak Mati
Yan Adi Guru
Dening Sampun Ngalugrayang
161. Bawosang
Mangda Tan Panjang
Ketatwan Satwa Puniki
Madak Mangde Ngemolihang
Saking Sarirane Nguni
Tan Presida Menyacadin
Manados Sentana Sadu
Yaning Jati Sapunika
Setata Melanin Gumi
Moga Rauh
Dharma Hidup Maka Bela
|
XXIX. Pupuh Durma
162. Tan Paran
Rauh
Pedanda Mandraguna
Sakti Kabinawa Tan Sipi
Sinengguh Danghyang Nirartha
Akeh Madruwe Puspata
Lwir Pangeran Sangupati
Dang Hyang Dwi Jendra
Nanging Ida Wantah Siki
163. Ring Bali
Age
Ida Wawu Nemuwang
Kamoksan Tur Genah Suci
Arin Ida Empu Angsoka
Putra Mpu Asmaranatha
Waluh Kele Kalinggihin
Ring Purancak
Melabuh Pinih Riin
164. Mangojog
Prekanti
Becik Kapertama
Dane Gusti Gde Polaki
Sentananing Gajah Para
Kairingang Watek Putra
Kaping Siki Putra Istri
Warna Raras
Tan Dumade Dewi Ratih
165. Tan
Wenten Saman Pada
Ring Jagat Pada
Angga Metu Ambu Miik
Punika
Mangkin Ngawinang
Manah Dahating Sangsaya
Yan Sareng Ngiring Ke Puri
Yan Kalulutan
Ida Dalem Manyingakin
|
20
|
166. Ida
Wantah
Maparab Dayu Swabawa
Tabik Pakulun Nglintangin
Pengadege Jangjang Jamprah
Rambut Panjang Nyurambyah
Jegeg Tan Kadi Kadining
Suci Nirmala
Tan Prasida Manyacadin
167. I Gusti Ngurah
Polaki
Sungsut
Manah
Ida
Pedanda Gelis Ngranjing
Gegesonan
Kesambrama
Tan
Lali Ngaturang Sembah
Nawegang
Genahe Dekil
Ampurayang
Panyembrama Kawon Gati
168. Ratu Pranda
Sane
Banget Kewangiang
Keslengagan Tan Kasidi
Nenten Uning Sira Minab
Pesengan Lan Panegara
Saking Napi Rauh Mijil
Pidartayang
Mangde Switra Tatas Uning
169. Gusti Arya
Pranda
Gumanti Lunga
Ke Linggarsa Pura Puri
Manah Rauh Majeng Natha
Prabu Wibuh Kabinawa
Kasumbung Nglintangin Jawi
Keabiseka
Dalem Watu Renggong Ugi
|
XXX. Pupuh Durma Wayah
170. Pedanda Wit
Saking Jawi Gumi Daha
Pedanda Sedek Mamiris
Ngayunin Ida Swabawa
Ambu Miik Maring Angga
Miik Ngalub Mrik Sumirik
Kadi Cepaka
Manah Sida Kalulutin
171. Pedanda
Ngemanah
Mangde Meraga Hyang
Mangdane Jenek Malinggih
Kasungsung Para Bakta
Sajebaging Bali Dwipa
Dados Bhatara Melanting
Inggih Switra
Sadya Ngiring Tur Mangemit
172. Yaning
Gusti Arya
Tulus Mangiringang
Mangde Becik Ngemanahin
Mangungsi Genah
Niskala
Semeton Lan Kulawarga
Sinah Jaga Katinggalin
Kewibuhan
Arta Brana Lan Piranti
173. Ratu Pranda
Sane Banget Kewangiang
Lascarya Ngiring Tan Pamrih
Angga Keatur Ring Pedanda
Misadia Jaga Ngiringang
Bhatara Pura Melanting
Sungsungan Jagat
Mangda Stata Kebaktinin
174.Yaning Sampun
Ingkup Maka Sinamian
Mangkin Becikang Miragi
Kaping Ajeng Masucian
Banten Pejati Karyanang
Ring Pamerajan Katurin
Tengah Natah
Sanggah Cucuk Kategulin
|
21
|
XXXI. Pupuh Durma Lawe
175. Pula
Pali Kawedar
Ida Pedanda
Sami Sampun Kedagingin
Rikala Wenten Dewasa
Kairingang Antuk Panjak
I Gusti Ngurah Polaki
Sampun Lascarya
Sregep Lwir Banten Pejati
176. Inggih Mangkin
Sampun Ingkup Pada Lingsa
I Gusti Polaki Tangkil
Ring Ida Ratu Pedanda
Ida Pedanda Ngandika
Nyantos Tengaing Wengi
Dauh Melah
Tangkil Ring Ida Bhatari
177. Tengaing Dalu
Margi Ida Pedanda
Gumi Peteng Sepi Jampi
Leak Putih Leak Barak
Dangklang Dengkleng Beten Kepah
Gumatak Gumitik Mangintip
Sami Memarga
Nuju Dalem Prajapati
178. Sesampun Maring
Pura Dalem Magenah
Ida Pedanda Ngrastiti
Majeng Bhatara Durgha
Manunas Wara Nugraha
Mangde Sida Ngemanggihin
Sekancan Manah
Katunas Tur Kekayunin
179. Nenten Suwe Para
Pemedek Manyingak
Wenten Bungbung Tiying Gading
Tanpa Tali Meglayutan
Saking Bungbung Raris Medal
Kawaca Poleng Kapanggih
Gelis Katunas
I Gusti Ngurah Polaki
|
180. Nenten
Nyantos
Ring Kene Ring Keto Medal
I Gusti Polaki Gelis
Mengambil Tur Mangrangsukang
Ukurannyane Pastika
Kadi Pituduh Hyang Widhi
Mengranayang
Matiosan Ring Prerai
181.Kacaritayang
Ida
Dayu Swabawa
Ngening Kahyun Ngresti Bakti
Mangkin
Ida Kedadosang
Bhatara
Pura Ring Pasar
Meparab
Pura Melanting
Keadegang
Antuk
Saudagar Sami
182. Para Pangiring
Sinamian Tan Lempas
Panjak I Gusti Polaki
Kasupat Dados Wong Samar
Sinamian Maring Desa
Mawinan Tan Preside Ugi
Yan Kacingak
Jadmane Matah Sinami
183. Yaning
Becik Becik
Kapratiaksayang
Sekancan Genah Pelinggih
Ring Pedanda Sakti Stata
Kakemit Ancangan Macan
Macan Galak Warni Gading
Preti Sentana
Arya Gajah Para Ngawi
184.Wenten
Atur
Ring Sentana Gajah Para
Rikala Pedek Manangkil
Ring Sajebag Dang Kahyangan
Patut Ngaturang Pamuspa
Ring Pelinggih Macan Gading
Kapertama
Pura Melanting Pulaki
|
22
|
XXXII. Pupuh Pucung
185. Gusti Ngurah Pegametan
Kadi Linglung
Tan Wruh Paindikan
Di Jembrana Mangulati
Tatan
Rungu
Ngurah Polaki Kasupat
186. Beli Ngurah Polaki
Sampunang Tandruh
Ring Dije Magenah
Ngujang Jero Kasuungin
Tan Mesaut
Sinami Tan Wenten Sira
187. Malih Ngurah Pegametan
Gelar Gelur
Tan Wenten Wecana
Kasuwenan Wenten Munyi
Banban Alus
Tur
Ngaturang Panyambrama
188. Tiang Panjak
Gusti Pegametan Rawuh
Risedek
Ngiringang
I
Gusti Ngurah Polaki
Tiang
Matur
Dados
Macan Gading Galak
189. I Gusti
Ngurah Polaki
Kantun Anut
Ring Praja Pati Mayoga
Ngiring
Ida Pedanda Sakti
Nunas Pangeruh
Ring Ida Bhatari Durga
190. Nanging
Kacingak
Macan Galak Mangamuk
I Gusti Pegametan
Gelis Makecos Premangkin
Katengkejut
Jejeh Nyingak Macan Galak
|
191. Tur Memargi
Tan
Presida Mapikayun
Beneng Kangin Ngaran
Sukangeneb Yan Kedalih
Satak Ukud
Balayuda Mangiringang
192. Ngantos
Rauh
Ring Celukan Bawang Dumun
Kayun Marerepan
Batis Lempor Kenyel Gati
Srayang Sruyung
Pemargane Sampun Lantang
193. Benjang
Semengan
Memargi Mangelangkung
Sangsit
Sampun Lewat
Ring Alas Harum Malinggih
Bedak
Lesu
Wantah Apeteng Irika
194. Mangkin
Pemargine Jaga Mangelantur
Enggalang Memarga
Ngantos Rauh Ring Alas Ngis
Mereren Dumun
Pamarga Kantun Doh Para
195.Mangalap Buah
Bengkaling
Kasinengguh
Nerus
Keajengang
Dumadak
Tan Ngrubedain
Basang Puyung
Wireh Bekel Sampun Telas
196. Rikala Wengi
Wong Desa Akeh Rawuh
Saha Makta Buah
Dahat Ledang Maka Sami
Dirgahayu
Pangucap Wong Desa Lascarya
|
23
|
197. Benjang Semeng
Malih Memargi Kelantur
Ngiring Ngungsi Genah
Maring Tukad Jingga Deling
Kroblah Ukud
Sane Kantun Panjak Wadwa
198. Panjak
Wadwa
Dija Malih Seket Ukud
Napi Salah Marga
Minab Tan Sida Mangiring
Meneng Dumun
Durung Rauh Kejantosang
199. Desa
Karoblahan
Mangkin Kasinengguh
Wireh Kaprateka
Kroblah Ukud Mengawitin
Tur Kapungkur
Dados Desa Karoblahan
200. Rauh Iriki
Ngiring Punggelang Dumun
Cingak Ring Toya Anyar
Indik Kulawarga Sami
Napi Unduk
I Gusti Ngurah Pegametan
|
XXXIII. Pupuh Ginada Basur
201. I Gusti Ngurah
Tianyar
Kaping Ajeng Kapesengin
I Gusti Made Tianyar
Sameton
Ngamadenin
I Gusti Ngurah Kekeran
Pinih Alit
I Gusti Ngurah Getas
202. Sebet
Mireng Pangumbara
Saking Kauh Beneng Kangin
I Gusti
Ngurah Pegametan
Ring Karoblahan Mapupul
Sameton Jaga Manyingak
Nyingak Linggih
Maring Desa Karoblahan
203. Nenten
Nyantos Pasemengan
Samian
Sampun Memargi
Nandang Nrereh Kulawarga
Menak Rejeng Tuun Pangkung
Rauh Maring Karoblahan
Tan Kadi Kadi
Legane Nemu Kulawarga
204. Pare
Semeton Sentana
Niki Becik Anggen Sundih
Pretiwimba Nyabran Dina
Masemeton Mangda Adung
Yadiastun Tuna Artha
Tan Menyacadin
Sewatek Pretisentana
205. I Gusti
Ngurah Tianyar
Bawos
Banban Manedunin
Tusing Dadi Manyebetang
Pekayunan Sang Hyang Tuduh
Sane Nepen Kulawarga
Gusti Polaki
Kakelidin Tan Presida
|
24
|
206. Ngiring
Mangkin Ke Tianyar
Sareng
Sameton Sinami
Irika Masuka Duka
Dumadak Mangda Rahayu
Rauh Ngantos Kawekasan
Mangde Trepti
Tan Wenten Kepati Bara
207. Akeh Medal
Pawacana
Raris Dane Manimpalin
I Gusti Ngurah Pegametan
Mawinan Matilar Dumun
Saking Desa Pegametan
Sepi Jampi
Kadi Sander Kadis Grudada
208. Duk
Titiang Mageluran
Ngaukin I Gusti Polaki
Jumujug Nengok I Macan
Manahe Jejeh Kelangkung
Nglantur Melaib Pablesat
Beneng Kangin
Ngantos
Ring Karoblahan
XXXIV.
Pupuh Sinom Dasar
209. I Gusti Nyoman Tianyar
Di Pamuhugan Malinggih
Wenten Sentana Lalima
Putra Lanang Maka Sami
I Gusti Ngurah Sangging
I Gusti Made Sukangeneb
I Gusti Nyoman Tianyar
Gusti Ngurah Dirata Lwir
Pinih Ungkur
I Gusti Ngurah Intaran
|
210. Nanging Lacur Tan Tulungan
Artha Brana Sampun Latig
Ayam Sangkur Mangeberang
Keneh
Momo Kadulurin
Engsap Putra Kari Alit
Tangis
Kaden Kukuruyuk
Kapireng Suara Ayam
Peteng Lemah Nyangih Taji
Sebilang Bangun
Mangungkab Guungan Ayam
211. Pedanda
Wayan Tianyar
Mirengang Indik Puniki
Mawinan Lunga Manyingak
Alit-Alit Kasimpangin
Tur Macepol Ngemanahin
Kala Nyingak Tan Karungu
Sami Bengong Mengantenang
Kadi Pitik Sedek Ngesil
Bilang Bucu
Bengang Bengong Tanpa Ina
212. Ketel
Wacana Ida Pedanda
Ke Sukengeneb Mewali
Kantun Wenten Tetamian
Gusti Tianyar Tan Sairing
Sane Mangkin Tan Nyanggupin
Ke Tianyar Malih Mantuk
Genah Sane Ngeranayang
Sawatek Semeton Bengil
Pati Kaplug
Ngrereh Genah Mesayuban
213. Yan
Tan Kayun Ke Tianyar
Lan Ke Singarsa Mangiring
Sentana Arya Gajah Para
Becikang Jani Nampenin
Sentana Bhatara Sakti
Mangdane
Stata Salunglung
Ditu Ring Abian Seka
Di Pesraman Malinggih
Genah Linuhung
Dados Sisya Ida Pedanda
|
25
|
XXXV. Pupuh Sinom Payangan
214. Kasuen Suen
Kacrita
Wenten Sentana Pat Diri
I Gusti Ngurah Dirata
Ngurah Tianyar Ngemadenin
Nganyomanin Kapesengin
I Gusti Ngurah Cakrapatha
I Gusti Ngurah Gajah Para
Putra Lanang Pinih Alit
Benjang Pungkur
Saking Kubu Mangumbara
215. I Gusti Ngurah
Dirata
Ring Kubu Juntal Manyepi
Ngantos Madruwe Putra
Ngurah Brata Kapesengin
Kacarita Mangde Gelis
Magentos Nama Pungkus
Rikala Sampun Kadiksa
Pungkusan Sane Mangkin
I Gusti Putu
Ngurah Bujangga Ratha
216. I Gusti
Ngurah Tianyar
Ke Katawarah Mangungsi
Gusti Ngurah Cakrapatha
Ke Bawana Ngeriinin
Desa Kubu Kapilihin
Gusti Ngurah Gajah Para
Sentana Wenten Kebabakan
Ke Tongtongan Mangulati
Bondalem Rauh
Bubunan Gamongan Antiga
217. I Gusti Ngurah Intaran
Ring Getas Tianyar Linggih
Madruwe Putra Tatiga
I Gusti Ngurah Chada
Putra Lanang Kaping Kalih
Ngurah Made Sukangeneb
I Gusti Ngurah Bhojana
Madrebe Sentana Ugi
Ninggal Gunung
Meneng Maring Desa
Tista
|
XXXVI. Pupuh Sinom Lawe
218. I Gusti
Ngurah Made
Ring Singaraja Malinggih
Madruwe Putra Patpat
I Gusti Madhe Danthi
Lunga Nuju Desa Pangi
I Gusti Wayan Tianyar
I Gusti Nyoman Tianyar
Kesah Ke Lombok Gili
Ke Antiga Nuju
I Gusti Ketut Tianyar
219. I Gusti
Wayan Tianyar
Kesah Nuju Badung Ugi
Gusti Ngurah Sukangeneb
Abyan Seke Ngamucukin
Nyarengin Pelinggih Aji
Kadiksain Dados Wiku
Magentos Parab Puspata
Meawinan Rauh Mangkin
Dane Kapungkus
I Gusti Wayan Tianyar
220. Maring Abyan
Seke Cingak
I Gusti Ngurah Sangging
Sinambi Melajah Sastra
Mangiring Genah Aji
Presida Keangge Titi
Madiksa Maka Pamucuk
I Gusti Wayan Tianyar
Kapungkus Tur Kapesengin
Om Swasti Astu
Dumadak Angayu Bagya
221. Mangardi
Putra Tatiga
Sane Kesah Ke Pangi
Gusti Ngurah Jathakumba
Putra Sane Ngemadenin
Wenten Kesah Ke Bajing
I Gusti Ketut Tianyar
I Gusti Ngurah Subrata
Ke Abian Seke Kancit
Dirghahayu
Sesampun Ngelar Madiksa
|
26
|
222. I Gusti Ngurah
Subrata
Ring Jumpungan Meneng Riin
Nanging Sesampun Kadiksa
Asrama Abyan Kaungsi
Magentos Kapuspatain
I Gusti Wayan Tianyar
Kasuen Malih Kesah
Pedanda Ketut Kairing
Asrama Sindhu
Dados Sisya Pedanda
XXXVII. Pupuh Sinom Wayah
223. Ida Sri
Kresna Kepakisan
Ngedotang Lombok Nagari
Seleparang Manguasa
Kebo Mundar Kapesengin
Gelis
Mangde Kasiatin
Satria Utama Katuju
I Gusti Ngurah Getas
Ksatria Tosing Kediri
Yan Kasumbung
Ari Arya Gajah Para
224. Rikala
Wenten Dewasa
Siu Tali Samas Diri
Mairingan Balayudha
Samian
Dahat Subakti
Sampun Sregep Ngepet Pati
Sentana Jurit Kasumbung
Jurit
Andel Karang Dangkal
Dulang Mangap Tan Lali
Kadi Blabur
Ngampehang Saisin Tukad
|
225. Pinaka
Pamuncuk Yudha
Prawira Dahat Subakti
I Gusti Arya Getas
Masanjata Keris Sakti
Candra Ketu Kapesengin
Tami Bhatara Leluhur
Tan Lali Mebekel Tombak
Katah Nyane Patpat Katih
Anggen Nglurug
Kawisesan Seleparang
226. Sanghyang
Surya Sampun Medal
Sayaga Maring Pasisi
Warna Jukung Ngendah Pelag
Polang Poleng Warna Warni
Wenten Kadi
Macan Gading
Lwir Merupa Ulam Agung
Dane Gusti Arya Getas
Janggolane
Kalinggihin
Mabidak Telu
Masulam Bhatara Gana
227. Tan Kacrita
Ring Segara
Melabuh Ring Pesisi
Kapesengin Seleparang
Panjak Lombok Takut Ngili
Tatan Purun Manampekin
Balayudha Bali Tedun
Kamuncuking Arya Getas
Ngamuk
Kadi Gajah Jengis
Dados Abu
Sawatek Dados Penghadang
228. Yudha
Rames Tanpa Paran
Datu Seleparang Kalilih
Tan Purun Manyingak Warna
Kadi Jangkrik Kaketebin
Arya Getas Menampekin
Lombok Sampun Salunglung
Dalem Bali Manguasa
Saha Panjak Kroblah Tali
Praya Kidul
Arya Getas Mangetangang
|
27
|
XXXVIII. Pupuh Sinom Silir
229. Bretara Sira Arya Getas
Mangde
Ngicen Tata Titi
Melajah Metetanduran
Mawinan
Suwe Iriki
Putra
Tetiga Kamedalin
Putra
Lanang Pinih Duur
I
Gusti Ngurah Praya
I
Gusti Warung Getas Riin
Pinih
Ungkur
Gusti
Mangeneb We Anar
230. Sesampun
Petang Undag
Akeh Sampun Kapuponin
Ring Bali Madeg Raja
Dalem Di Made Malinggih
Wenten Baya Manibenin
Wangsa
Arya Getas Anyud
Duk Memancing Ring Segara
Nanging Presida Kampih
Tur Melabuh
Irika Ring Pringga Baya
231. Katulung
Para Bendega
Ulangun
Manyingak Sami
Kaperas Keanggen Putra
Antuk I Datuk Pejanggi
Pesengan
Kagentosin
Raden Banjar Kasinengguh
Datuk Pejanggi Memanah
Wit Sangkaning Banjar Masin
Genah Melabuh
Kapesengin Banjar Getas
232. Para Datuk
Manah Ledang
Tungkas Akeh Sampun Trepti
Degdeg Maka Jati Mula
Mawinan Datuk Pejanggi
Ledang Kayun Tan Kadi Kadi
Raden Banjar Kaicen Pungkus
Raden Kertapati Gelar
Panjak Sami Pada Ngiring
Sami Manut
Raden Kertapati Nitah
|
233. Sampun
Waneh Mangumbara
Mahyun Mewali Ke Bali
Eling Nyama Kulawarga
Raja Lombok Mengalangin
Kapikat Kaicen Rabi
Keangge Panyalimur
Jegeg Tan Kalah Rupa
Puspata Dende Mas Kuning
Putra Tuhu
Patih Dauh Juring Putra
234. Jegeg Kadi
Nilotama
Rambut Panjang Kuning Gading
Kulit Putih Manyempaka
Nurojana Lwir Nyuh Gading
Bawos Banban Ngulangunin
Roro Jonti Kasinengguh
Sira Nora Kalulutan
Taler Raden Kertapati
Paid Bangkung
Agama Leluhur Kakutang
235.Sentananing
Gajah Para
Wenten Wewilangan Indik
Pet
Prade Ninggal Sawitra
Jadma Nista Kapesengin
Ring Rerama Tan Subakti
Kasengguh Jadma Letuh
Dahat Lintang Letuh Nista
Ninggalin Agama Widhi
Agama Luhung
Kadi Anyud Ring Arnawa
236. Sampun
Pituduh Bathara
Kacrita Datu Pajanggi
Manah Kaliput Manyingak
Pengadeg Dende Mas Kuning
Mawinan Mekarya Ugig
Raden Kertapati Kautus
Presida Tangkil Gelisang
Maring Ida Dalem Bali
Lunga Tan Kayun
Wiweka Sampun Kemanah
|
28
|
XXXIX. Pupuh Sinom Wayah
237. I Datu Pejanggi
Kroda
Titah Tan Sida Kairing
Mangetogang Balayuda
Nglurug Raden Kertapati
Kertapati Sregep Menanti
Jaga Mapag Tur Memagut
Ngamuktiang Kapurusan
Balayuda Dauh Juring
Kadi Blabur
Mengamuk Ring Payudan
238. Jati Jati
Tan Kaciwa
Balayudha Doh Kidik
Presida Ngasorang Wadwa
Pejanggi Dangin Juring
Mawinan Kapesengin
Dipaling Laga Kapungkus
Antuk Meseh Kulawarga
Ngawinang Meseh Melaib
Pati Purug
Nekekang Ngambel Angkian
239. Datu Pejanggi
Tan Presida
Magut Raden Kertapati
Ngrereh Kanti Kesumbawa
Rauh Ke Banjar Masin
Nanging Kantun Kalilih
Nenten Presida Kadulu
Ngrereh Kanti Sakti Dahat
Maring Karang Asem Tangkil
Ratu Wibuh
Nunas Kanti Balayudha
240. Karang
Asem Caritayang
Ida Prabu Menyanggupin
Jaga Ngutus Balayudha
Tan Presida Manyacadin
Napi Malih Kaketebin
Ring Pasiatan Kasumbung
Waged Magelar Sanjata
Sekadi Sanjata Cundrik
Dados Pamuncuk
Gusti Ketut Karang Asem
|
241. Gelis
Mangkin Caritayang
Wadwa Bali Sampun Prapti
Kertapati Menyambrama
Saha Nguningan Indik
Wantah Sentana Saking Bali
Bretara Getas Leluhur
Mawit Ring Desa Tianyar
Premangkin Mebela Pati
Pati Purug
Dangin Juring Balayudha
XL. Pupuh Ginada Dasar
242. Inggih
Mangkin Caritayang
Pretisentana Sinami
Sira Arya Gajah Para
Maring Banjar Banda Klungkung
Pawongan Wantah Patpat
Ngawit Gurit
Wenten Sapta Kulawarga
243.
Manyungsung Sanggah Kawitan
Sanggah Ibu Kapesengin
Medaging Padma Sanggaran
Melinggih Majeng Kidul
Ring Kaja Kangin Magenah
Ngebaktinin
Ida Sanghyang Widhi Wasa
244. Linggih
Meru Wewangunan
Merahab Duk Tumpang Kalih
Majeng Kauh Maring Purwa
Linggan
Bhatara Leluhur
Gedong Ibu Pejenengan
Yan Pelinggih
Jenek Bhatara Kawitan
|
29
|
XLI. Pupuh Ginada Candrawati
245. Pelinggih
Sapta Petala
Parupayan Naga Sakti
Kasinengguh Linggih Dasar
Sang Naga Tiga Malungguh
Sang Naga Ananta Boga
Naga Basuki
Miwah Sang Naga Taksaka
246. Sanggah
Kamulan Rong Tiga
Palinggan Sanghyang Tri Murti
Brahma Wisnu Iswara
Palinggih Kaping Kidul
Pangerurah Penyarikan
Maka Linggih
Ida Sanghyang Bhuta Raja
247. Palinggih
Hyang Kala Raja
Kapesengin Taksu Sari
Majeng Kidul Ring Utara
Genah Anggen Nunas Taksu
Ring Tengahing Natar Sanggah
Sanggah Pelik
Genah
Arca Lan Pretima
248. Sakanem
Bale Piasan
Genah Bhatara Mahias
Pelinggihan Apit Lawang
Ring Jaba Tengah Malungguh
Ngambel Kesucian Sanggah
Tugu Kakalih
Kiwa Tengen Candi Bentar
249. Rikala
Isaka Warsa
Siu Sanga Kutus Kalih
Tan Dumade Kabrebehan
Jadma Wikan Mapituduh
Mangde Mekarya Dewa Hyang
Marong Kalih
Kocap Pelinggih Pitara
|
XLII. Pupuh Ginada Manis
250. Pengayah
Pemangku Sirna
Mangku Jan Bangul Siniwi
Maring Pura Ana Tapa
Desa Takmung Manyungsung
Pura Tenget Madurgama
Kapiodalin
Manis Tumpek Kuningan
251. Wenten Tutur Kacarita
Sadurung Ke Banda Ngungsi
Di Batu Tabih Ngamolihang
Wawu Ke Banda Kautus
Mapag Balayudha Gianyar
Ring Tukad Krinci
Dalem Klungkung Manitahang
252. Sentana Arya Gajah Para
Sadurung Di Batu Tabih
Ring Pangi Maka Kawitan
Memargi Jeg Beneng Kauh
Ring Batu Lambih Yeh Jinah
Ngiring Tapaswi
Nampek Pura Ana Tapa
253. Inggih Sekancan Sentana
Arya Gajah Para Iki
Pura Tan Dados Engsapang
Kaping Siki Sanggah Leluhur
Magenah Ring Banjart Banda
Nora Lali
Tan Presida Hidup Melah
254. Selanturnya
Pura Lian
Suralaya Kaping Siki
Pangelingsir Mengadegang
Magenah Ring Hulu Kauh
Miwah Pura Ana Tapa
Niki Wangsit
Ida Bhatara Kawitan
|
30
|
XLIII. Pupuh Ginada Basur
255. Pura Dalem
Sakti Kocap
Pura Mateeb Yadin Alit
Pura Dalem Pura Desa
Miwah Pura Bale Agung
Pura Tri Kahyangan Tiga
Maka Lingggih
Bhatara Tri Murti Sesa
256.Maring Purwa
Wates Desa
Pura Dalem Prajapati
Pinaka Huluning Setra
Kasinengguh Ganda Mayu
Pralinggan Ida Bhatara
Bhatari Nini
Titiang Tan Purun Ngojah
257. Sinamian Pretisentana
Ring Desa Banda Malinggih
Nenten Dados Ngengsapang
Pura Kawitan Ketami
Ring Desa Pangi Magenah
Stata Eling
Hidup Rahayu Presida
258. Sukangeneb Pura Kawitan
Ida Lelangit Ngaryanin
Ring Bongkol Giri Magenah
Pranah Kaja Gunung Agung
Wawengkon Desa Tianyar
Ngiring Sami
Ngaturang Bakti Pamuspan
259. Pura Candi Gora Miwah
Magenah Maring Pasisi
Pura Tenget Madurgama
Kocapan Sane Dumun
Iriki Genah Mesandekan
Ida Lelangit
Sira Arya Gajah Para
|
260. Pura Melanting Ring Pucak
Linggih Ratu Niang Sakti
Taler
Meru Tumpang Sanga
Kaping Kalih Saking Kauh
Batu Madeg Wastan Pura
Ngaturang Bakti
Meru Linggih Gajah Para
261. Dalem Ped
Nusa Penida
Pinaka Pangamong Gumi
Kentel Gumi Banjar Angkan
Genah Pawintenan Tuhu
Sentana Arya Gajah Para
Metaki Taki
Dados Pemangku Ring Pura
262. Pura Pangitering Jagat
Batur Goa Lawah Yukti
Batu Karu Andakasa
Batu Klotok Uluwatu
Pucak Mangu Lan Lempuyang
Lan Besakih
Pura Pejeng Pusering Jagat
XLIV. Pupuh Durma
263. Sane Kemargiang
Kala Pitra Yadnya
Sampun Mungguh Ring Prasasti
Bade Matumpang Sanga
Cakra Antita Trawangan
Taman Agung Candra Sari
Saha Mahiyas
Kapas Manca Warna Warni
264. Cemeti Ngangge
Bulu Paksi Mrak Lantang
Kedagingin Gender Ringgit
Medandanan Kain Panjang
Pangubes Ubes Tan Mari
Paksi Uttama
Manuk Dewata Makuncir
|
31
|
XLV. Pupuh Durma Wayah
265. Singa Muwani
Mekampid Patulangan
Gajah Mina Kalugrain
Lembu Ireng Kedadosang
Sentana Lan Kulawarga
Katetiga Sami Becik
Sami Uttama
Yan Medasar Manah Suci
266. Mabale Gumi
Tur Mauncal Makapas
Warna Sia Maka Kitir
Tumpang Salu Kemargiang
Medaging Damar Kurung Mwah
Tan Dados Mangelintangin
Sampunang Singsal
Mangda Tan Keni Upadrawi
267. Sampun
Ketah Ring
Pemargi Pitra Yadnya
Akeh Sane Kemarginin
Saluwiring Asti Wedana
Swasta Geni Sawa Prateka
Miwahte Sawa Kreasi
Dagingin Kajang
Kajang Kawitan Tan Mari
268.
Sentananing
Sira Arya Gajah Para
Madruwe Kajang Warna Tri
Kajang Sane Kapertama
Ring Puri Klungkung Magenah
Mapindaning Jadma Suci
Pinaka Dasar
Sekar Tunjung Dahat Suci
269. Kaping
Kalih Manggeh
Ring Pura Kawitan
Madyaning Utama Ngawit
Marupa Jadma Tan Mewastra
Yaning Kepratiaksayang
Pateh Sekadi Ring Puri
Pinaka Dasar
Bedawang Nala Melilit
|
XLVI. Pupuh Durma Lawe
270. Kajang Bhatara
Kawitan
Kaping Tiga
Ring Kawitan Kasungkemin
Kajang Utama Dahat
Nenten
Presida Majarang
Mapinda Sastra Pingit
Inggih Indayang
Suryanin Maring Prasasti
271. Pretisentana
Sira Arya Gajah Para
Benjang Pungkur Yadian Polih
Nunas Kajang Saking Gria
Utawi Saking Pedanda
Mapesengan Kajang Sari
Nika Mawinan
Dagingin
Kajang Kawitan
272. Dwaning Manah
Tatan Keneng Lipurang
Pacang Ngawi Mangda Becik
Anggen Titiang Nglipur Manah
Kadi Gering Lawas Palas
Wirang Ruwang Jroning Ati
Janten Pacang
Ngruwat Sungkaning Duh Kita
|
32
|
273. Ampura Banget
Pretisentana Tuna
Rawuh Iriki Mangurit
Presida Nyaratang Nyurat
Lalintihan Gajah Para
Boya Memanah Nasikin
Para Sentana
Uning Sastra Gama Sami
Puput Kasurat Olih
Ir. Putu Januar Ardhana
Pretisentana Sira Arya Gajah Para
Tanggal 21 Januari 2006
Pukul 23.16 WIB
Saniscara Pon Ugu
|
Tidak ada komentar:
Posting Komentar